រលាកដំបៅពោះវៀនធំ ជាសណ្ឋានជំងឺផ្លូវពោះវៀន បង្ករលាកនិងដំបៅក្នុងសន្ទះរំអិលពោះវៀនធំ និងកំណាត់ចុងពោះវៀនធំ ។ អាហារឬ ទម្លាប់បរិភោគ ពុំមែនជាភ្នាក់ងារបង្កជំងឺ តែអាចបណ្តាលឱ្យជំងឺប្រែជាធ្ងន់ធ្ងរ ។
ខាងក្រោមនេះជាប្រភេទអាហារមួយចំនួនដែលអ្នកជំងឺរលាកដំបៅពោះវៀនធំគួរប្រយ័ត្នប្រយែងពេលប្រើប្រាស់ ។
សណ្តែកៈ ដោយសារមានបរិមាណជាតិសរសៃខ្ពស់ និងអាចបង្កការហើមពោះ ហេតុនេះសណ្តែកពុំមែនជាចំណីអាហារដ៏ល្អសម្រាប់អ្នកជំងឺរលាកដំបៅពោះវៀនធំ ។
 |
ប្រភេទ អាហារ មួយ ចំនួន ដែល អ្នក ជំងឺ រលាកដំបៅ ពោះវៀនធំ គួរ ប្រយ័ត្នប្រយែង |
ផ្កាស្ពៃខៀវៈ បន្លែផ្ទុកជាតិសរសៃច្រើនដូចជាផ្កាស្ពៃ ស្ពៃក្តោប និង ឃិនឆាយ មិនស្រួលរំលាយ ដែលអាចបង្កការហើមពោះនិងរមួលក្រពើ ។ អ្នកជំងឺរលាកដំបៅពោះវៀនធំអាចបរិភោគអាហារនេះបាន ប្រសិនវាត្រូវបានចម្អិនឆ្អិននិងកាត់ទៅជាចំណិតតូចៗ។
ពោតនិងផ្សិតៈ អាចបង្ករំញោចផ្លូវរំលាយអាហារ និងរាករូស នៅអ្នកត្រូវរលាកដំបៅពោះវៀនធំ ។
មើមខ្ទឹមៈក៏សម្បូរសារជាតិសរសៃ និងស្វិតក្នុងសណ្ឋានពិបាករំលាយ ។ ប៉ុន្តែនឹងពុំមានបញ្ហាអ្វី ប្រសិនកាត់ឬចិញ្ច្រាំល្អិតៗនិងចម្អិនឱ្យឆ្អិន ។
សាច់ខ្លាញ់ច្រើន: ជំងឺរលាកដំបៅពោះវៀនធំតាំងពីដើមមកមាន “តំណម” ជាមួយសាច់មានខ្លាញ់ច្រើន។ ចូរជ្រើសយកសាច់សុទ្ធ និងចាំត្រូវទំពាឱ្យម៉ដ្ឋ ប្រសិនមិនដូច្នេះទេ អាការៈរោគនឹងប្រែជាអាក្រក់ ។ សាច់ត្រូវ បានច្នៃក្រោមសណ្ឋានកិននិងលុញជាគ្រាប់ ឬសាច់កាត់ចំណិតៗ នឹងជួយសរីរាង្គងាយរំលាយអាហារជាងពេលប្រើសាច់នៅបន្ទះធំៗ។ ប៉ុន្តែត្រីខ្លាញ់ច្រើនបែរជាងាយរំលាយជាង ។
សូកូឡាៈ ស្ករ និង Caffein, សមាសធាតុសំខាន់២ក្នុងសូកូឡា អាច បង្ករមួលក្រពើ និងបត់ជើងញឹកញាប់នៅអ្នកត្រូវរលាកដំបៅពោះវៀនធំ ពិសេសពេលជំងឺប្រែជាធ្ងន់ធ្ងរ ។ ប្រសិនចូលចិត្តសូកូឡា គួរបរិភោគតែ មួយចំណិតតូច គឺគ្រប់គ្រាន់ហើយ ។
កាហ្វេនិងតែៈភេសជ្ជៈ២មុខនេះអាចបណ្តាលឱ្យអ្នកត្រូវរលាកដំបៅពោះវៀនធំ ពិបាកគ្រប់គ្រងអាការៈជំងឺ។ ដូចគ្នានេះដែរ នៅមានពពួកភេសជ្ជៈផ្ទុក Caffein ដទៃទៀត ដូចជាទឹកផ្អែមមានហ្គាស និងភេសជ្ជៈលើកកម្លាំង ។
ស្រាៈ ប្រភេទស្រាខុសៗគ្នានឹងមានឥទ្ធិពលទៅលើអ្នកតាមច្រើនរបៀបផ្សេងៗពីគ្នា។ និយាយរួមគ្រប់ភេសជ្ជៈមានអាល់កុល សុទ្ធតែរំញោចពោះវៀន និងបង្ករាករូស។ ប៉ុន្តែអ្នកនៅតែអាចប្រើប្រាស់ក្នុងបរិមាណសមល្មម មិនត្រូវ ប្រើប្រាស់ពេលពោះឃ្លាន ៕
តាមពត៌មានសុខភាពភ្នំពេញ
No comments:
Post a Comment